ПОВЕЌЕ ОД СПОРТ . . .

НАТАША ИЛИЕВСКА „МИС МАВАШИ„ НА ЕВРОПСКОТО ПРВЕНСТВО ВО КОРДОБА!

2009-07-18T00:17:00.003+02:00

Најдобрата македонска каратистка, Наташа Илиевска како низ шега но и со многу вистина, веќе се прераскажува низ гостите и учесниците на 4-тото Европско Универзитетско Првенство како „мис маваши„ , благодарение на нејзината претстава на врвно, атрактивно и спектакуларно карате во финалниот натпревар.

Финалниот натпревар против домашната репрезентативка Амадор, беше борба во која Наташа на ова првенство се претстави со разновидност од прецизни удари, формирани во акции од кои противничката не можеше воопшто да дојде ниту „до здив„ . 8:0 пред истекот на последните 50 секунди од борбата, кажуваат се. Тоа беше пример каков ретко се гледа на татамите, а посебно не во финале. Ако претходните натпревари изобилуваа со повеќе тактика и помалку акции, Наташа Илиевска како да сакаше во Шпанија да покаже зошто и пред неколку месеци во Хрватска дојде до истата скала, но за влакно и избега таму златниот медал. Овојпат тоа беше надминато. Без калкулации, со исклучително активна и агресивна борба стигна до најголемиот историски успех за каратето во Македонија. Наташа Илиевска – пост дипломец на електротехничкиот факултет во Скопје, поставува веќе нови норми во македонскиот индивидуален спорт.

После Европското сребро, сега Европското Универзитетско злато се доказ за квалитетот кој допрва очекуваме дека ќе се вивне и во светски рамки.

НАТАША ИЛИЕВСКА УШТЕ ЕДНАШ „ГАЗИ„ НИЗ ЕВРОПА!

2009-07-17T16:49:00.002+02:00

Најдобрата македонска каратистка Наташа Илиевска уште еднаш потврди во Европа дека е во самиот врв на овој спорт. На 4-тото универзитетско Светско Првенство во Кордоба, денеска стигна до финалето кое ќе се одигра вечерва во 18.30 часот.

Во првото коло беше слободна. Во второто коло ја победи Тања Рибеиро од Андора со резултат 4:0. Третото кое беше уште поголема потврда на нејзиниот квалитет извојува победа над словачката натпреварувачка Јана Војтикевичова со резултат од 7:0. Во четвртото коло, кое беше и полуфинале веќе неможеше да ја сопре ниту домашната натпреварувачка Алба Естеве која ја победи со 5:1.

Вечерва финалето е чекор кој Наташа Илиевска веројатно ќе го исчекори со една скала погоре од најголемиот успех кој го направи пред неколку месеци на Европското Првенство во Хрватска. Амадор од Шпанија е противничката која треба да се победи и македонското карате да добие уште еден нов рекорд и уште еден доказ за квалитетот кој го поседуваат овие наши спортисти.

СО ЧЕТИРИ УДАРИ ЈА ОСВОИЈА ЕВРОПА!

2009-07-16T21:13:00.003+02:00

Со четири победи, против универзитетските репрезентации на умерените и многу активни баскијци, фаворитите Германија, претендентите за златото Англија и на крај во финалето со 3:0 против Шпанија, македонската репрезентација на Европското Универзитетско Првенство во Кордоба, го освои златниот медал! Најголем историски успех на македонското карате и воопшто во спортот во Македонија годинава.

МАВАШИ ЗА ФИНАЛЕ!

2009-07-16T15:17:00.003+02:00

Фантастични натпревари против универзитетските репрезентациите на Баскија, Германија и Англија и само уште еден чекор до златото...репрезентацијата на Универзитетот од Шпанија. Само, уште еден удар . . . уште еден удар . . . еден удар . . . удар!

ВРЕМЕ Е ЗА МАКЕДОНСКОТО „ИНТЕЛЕКТУАЛНО„ ЏАКО !

2009-07-16T00:12:00.003+02:00

Македонската карате репрезентација од денес се наоѓа во Кордоба, градот домаќин на 4-тото Европско Универзитетско Првенство. Македонските „карате интелектуалци„ ќе бидат претставени во кати и кумите во скоро сите категории, девојките со борби во спортистиките Наташа Илиевска, Мери Радичевска и Наташа Стефановска и кати со Сања Николиќ, додека во машките категории со спортистите кои неодамна го освоија третото место на Европскотот Првенство за Региони, во потполно ист состав – Томе Тодоровски, Богдан Мицов, Огне Груевски Жарко Арсовски, Иво Цветковски, Мартин Несторовски и Амир Беговиќ. Во кати ќе бидеме претставени со Марко Секуловски.

Фантастичната атмосфера во тимот ветува дека ќе оставиме трага и на ова европско натпреварување како и на двете претходни, прво на ЕП а малку подоцна и на ЕП за Региони...

„МАКПЕТРОЛ„ СО МЕДАЛИ И ВО ВЕЛЕС

2009-06-07T19:33:00.003+02:00

Карате клубот „Макпетрол„ на државниот турнир организиран од КФМ во Велес, си ги потврди зацртаните клупски планови и очекувања освојувајќи ги најголемиот број од медалите во најатарактивните категории.
Во Велес се заокружи еден циклус за овие категории кои го потврди квалитетот на клубот во национални рамки. Тоа е резултат на повеќемесечната работа на највисоко професионално ниво, од врвни и високо-квалитетни тренизи до клупските настапи на Европските Златни Лиги, искуство кое всушност ја прави разликата на националните првенства и турнири.
Децата кои освоија медали на овој турнир се одлична база и за репрезентативните успеси во иднината на македонското карате:

- Петар Заборски (злато екипно)
- Емануел Ристевски (злато екипно)
- Никола Димитријевиќ (екипно злато)
- Антонио Кокотовиќ (екипно злато)
- Леонид Симоновски (екипно злато)
- Ангела Мојсовска (екипно сребро)
- Моника Пендаровска (екипно сребро)
- Бригита Ѓелиќ (екипно сребро)
- Ружица Николова (екипно сребро)
- Теодора Стефановска (екипно сребро)

...и во поединечна конкуренција:

- Петар Заборски (злато)
- Илија Темовски (злато)
- Теодора Стефановска (злато)
- Емануел Ристевски (злато)
- Софија Веселиновска (сребро)
- Фросина Веселиновска (бронза)
- Аница Крстевска (бронза)
- Ангела Мојсовска (бронза)
- Никола Димитријевиќ (бронза)
- Антонио Кокотовиќ (бронза)
- Бригита Ѓелиќ (бронза)

Исто така карате клубот „Макпетрол„ освои бронза и во натпреварите во кати екипно.

НАТАША ИЛИЕВСКА ОД „МАКПЕТРОЛ„ , ВИЦЕШАМПИОНКА НА ЕП ВО ХРВАТСКА

2009-05-15T12:36:00.006+02:00

НАТАША ИЛИЕВСКА ОД „МАКПЕТРОЛ„ ВИЦЕШАМПИОНКА НА ЕП ВО ХРВАТСКА

2009-05-09T16:26:00.006+02:00

Во категоријата -55 кг во Кумите, Наташа Илиевска го освои сребрениот медал на Европското Првенство кое се одржува во Хрватска. До финалето стигна низ 4 борби. Ги елиминираше каратистките од Полска, Австрија, Германија и Романија. Во финалето загуби од домашната репрезентативка Ковачевиќ.

Со овој успех еден од најголемите за Македонија, каратистката на „Макпетрол„ ја смести нашата земја во врвот на европското карате.

Иво Цветковски, нашата најголема надеж (во категоријата -67), потфрли во второто коло (во првото беше слободен). Беше поразен од хрватот Лучиќ. Тодоровски (во категоријата -60) исто така загуби во својот прв натпревар од германецот Хејман.
Кај жените, Наташа Стефановска (во категоријата -61) загуби во првото коло од романката Ниту, слично како и Мери Ефремова (во категоријата -50) од репрезентативката на Чешка, Линхартова.

Лошо се претставија и ката тимовите на нашата репрезентација. Женскиот загуби во првото коло од Ката тимот на Србија, додека мажите исто така загубија во првото коло од фаворитите Италија, но бидејќи италијанците стигнаа до финале, на нашиот машки тим му се отвори шанса за бронзен медал во репасажот. Но и во репасажот, исто како и во првиот свој настап загубија, овојпат од репрезентацијата на Германија.

ЛОШ ПРВ ДЕН ЗА МАКЕДОНСКАТА РЕПРЕЗЕНТАЦИЈА ВО ХРВАТСКА...

2009-05-09T02:10:00.002+02:00

Првите резултати од ЕП во Хрватска не донесоа позитивни информации во Македонија, кои претставуваат лош старт на првиот ден.

Секуловски во кати загуби уште во второ коло од англичанецот Мотрам. Во првото коло беше подобар од швеѓанецот Мати.
Спирковска во кати поединечно загуби од швајцарката Санер во второ коло, а во првото беше слободна.
Огне Груевски, кој во првото коло беше слободен, во второ коло (во категоријата -84) го победи швеѓанецот Амегај, додека во третото коло губи од азербејџанецот Атајев, со што за малку му бега репасажот, бидејки азербејџанецот губи во полуфинале.
Жарко Арсовски губи во првиот натпревар, во второ коло (во категоријата +84) од гркот Маргаритопулос.
Ферат Корбулиќи, (слободен во првото коло) губи во првиот натпреварот од бугаринот Маринов и ја пропушта шансата во следното коло да се бори против Агаев, фаворитот во категоријата-75, кој веројатно ќе му обезбедеше и евентуален репасаж.

ИДНИНАТА НА МАКЕДОНСКОТО КАРАТЕ....

2009-04-27T11:25:00.004+02:00

На државното првенство за Кадети и Јуниори кое се одржа викендов, Карате Клубот „Макпетрол„ ја потврди својата одлична форма и освои 4 златни, 4 сребрени и 5 бронзени медали.

„Макпетрол„ се потврдува секогаш дека има потенцијал и во својата база во категоријата Кумите, што е од посебно значење за каратето како еден од врвните спортови во Македонија.

Карате клубот „Макпетрол„ беше неприкосновен во следните категории:

Симона Заборска (злато, кадетки -47),
Кристина Крстевска (злато, кадетки + 54),
Мери Радичевска (злато, јуниорки до 21г. -53)
Моника Стефановска (злато,јуниорки до 21 г, + 60)

Овие „златни„ девојки, повеќе е од очигледно дека се иднината и на сениорските Кумите категории во македонскиот репрезентативен дрес.

Нивната „немилосрдност„ во борбите во Кавадарци, беше дополнета со уште 9 сјајни одличја на градите на борците од КК„Макпетрол„ , борци кои исто така ветуваат прекрасна иднина на македонското карате:

Софија Веселиновска (сребро, помлади кадетки-50),
Сара Радичевска (сребро, кадетки -47),
Емануел Ристевски (сребро,помалди кадети-63),
Спасе Илиевски (сребро, јуниори до 21 г. +78)
Александар Јаневски (бронза, јуниори до 21 г, - 78),
Марија Теодосијевска (бронза, јуниорки -59),
Наташа Стефановска (бронза,јуниорки до 21 г -60),
Мартин Томовски (бронза, јуниори -76)
Кристијан Цветковски (бронза,помлади кадети-70)

__________________________________________________

Емисијата „Време е за Маваши„ поддржана од Карате Клуб „Макпетрол„ слушајте ја Канал 4 спортско радио 107,4 секој четврток од 12.35, сабота 10.35 и вторник 12.35...

МАКЕДОНИЈА БЕЗ МЕДАЛ...

2008-11-16T11:11:00.006+01:00

Заврши СП во карате.
И последните денешни наши четири шанси, останаа без медали.
Ване Гонев( -70) загуби од французинот Херф со резултат 8:0.
Ферат Корбулиќи(-75), во првото коло беше слободен, во второто го победи естонецот со 2:0, во третото коло го победи натпреварувачот од Сирија Алсапсаби на продолжение со резултат 3:2, а во четвртото загуби од шпанецот Санчез, 4:0. Корбулиќи не влезе ни во репасаж.

Гоце Петров (-80) во првото коло го совлада индонезиецот Салим 4:2, во второто коло го победи повеќекратниот европски првак од Грција Пападопулос, 6:4. Во третото коло загуби 2:1 од натпреварувачот од Иран- Јодатглатхам. Подоцна и иранецот загуби со што и Гоце не успеа да се пласира во репасажните борби за подобар пласман. И во последната категорија на борби денеска, Жарко Арсовски го победи Карвалихо со резултат 4:0, потоа во второто коло загуби од црногорецот Цецуњанин со минимален резултат од 1:0. Штета што црногорецот потоа загуби од турчин а со тоа и Жарко ја загуби шансата за борбата во репасаж и медал.

УШТЕ ЧЕТИРИ ШАНСИ ЗА МЕДАЛ ! ! !

2008-11-15T15:48:00.005+01:00

Тешки натпревари за македонските каратисти. Покрај поразите во првите кола, лоша информација е и тешката повреда на коленото на Ардита Исени, која ја заработи при резултат 0:0. Огне Груевски е единствен кој успеа да направи две победи против натпреварувачот на Латвија и на Мароко, но подоцна загуби од хрватот кој пак не успеа да влезе во финале и да му обезбеди репасаж. За утре надежта на македонското карате останува во Ване Гонев (-70), Ферат Корбулиќи (-75), Гоце Петров (-80) и Жарко Арсовски (+80). веројатно меѓу нив е и можното изненадување кое Македонија би го направила со обезбедување на медал на Светскот Првенство во Јапонија.

СЛЕДЕН ЧЕКОР Е „РУШЕЊЕ„ НА ПИРАМИДИТЕ!

2008-11-14T01:06:00.009+01:00

Вчерашната победа за македонскиот тим против Костарика, ја остварија:
Ване Гонев победи со 2:0,
Огне Груевски победи со 7:1,
Жарко Арсовски победи со 4:1,
а Гоце Петров и Богдан Мицов немаа борби бидејќи на 3:0 беше прогласена победа за Македонија.

За неколку часа ќе настапат против репрезентацијата на Египет.

П.С. За сите што сакаат да комуницираат со некој од спортистите или селекторот, известување дека телефонските линии се многу често во прекин, во салата нема најчесто мрежа, а ниту интернет ... сем во Press центарот...

ПРВАТА ПОБЕДА НА МАКЕДОНИЈА ПРОТИВ КОСТАРИКА!

2008-11-13T08:47:00.002+01:00

Екипно машката репрезентација во борби настапи против Костарика, и победи со 3:0. Утре настапуваат против Египет и ако победат, влегуваат во третото коло против САД.

Македонскиот женски Ката Тим настапи против репрезентацијата на Франција, загуби со резултат 5:0. Во репасажот настапија против Бразил, и исто така загубија со резултат 4:1.

ПОСЛЕДНИ ИНФОРМАЦИИ...

2008-11-12T20:46:00.005+01:00

Часовната разлика е + 8 часа од времето кое го гледате во моментов во Македонија.

Времето во Токио деновиве се очекува меѓу 16-19 с.Ц.

Настапуваат 97 земји.

Македонија има 12 настапи вкупно во машка и 7 вкупно во женска конкуренција.

Првиот настап Македонија го имаше со женскиот Ката Тим (Тамара Рибарска, Маја Гудеска и Сања Николиќ) против репрезентацијата на Франција, околу 13.30 часот по јапонско време, што би значело „во превод„ околу 5.30 утрово. Загубија со резултат 5:0. А во репасажот настапија против Бразил, и исто така загубија со резултат 4:1.

Екипно машката репрезентација во борби настапи против Костарика, и победи со 3:0. Утре настапуваат против Египет и ако победат, влегуваат во третотот коло против САД.

Исто така в петок, околу 8 часот наутро, ќе настапи Тамара Рибарска во женската Ката индивидуална конкуренција.

СЛЕДЕТЕ ГИ ВО ЖИВО СИТЕ РЕЗУЛТАТИ ОД ТОКИО !

2008-11-12T14:47:00.008+01:00

http://www.karateworld.org/index.php?option=com_content&task=view&id=188&Itemid=36

Ова е линкот на кој можат во живо да се следат настапите и резултатите на нашите најдобри каратисти на Светското Првенство во Токио: Богдан Мицов -65 , Ване Гонев -70 , Гоце Петров -80, Жарко Арсовски +80, Огнен Груевски Опен, Ферат Корбулиќи -75, Наташа Илиевска -53, Ардита Исени -60 кг и во ОПЕН категоријата.
Кати поединечно и екипно:Тамара Рибарска, Марија Гудевска, Сања Николиќ.

Карате Светскиот Центар - Токио 13-16 ноември 2008
Ова е распоредот на натпреварите по јапонско време,( + 8 часа од македонското)

November 13 (Thursday)
09:00 ~ 12:45 Eliminations & Repechage (Kumite Team Female)
12:45 ~ 14:30 Eliminations & Repechage (Kata Team Male & Female)
14:30 ~ 17:00 Kumite Preliminaries Male Teams (until 32 teams remain)
17:00 ~ 18:00 Opening Ceremony
Final (Kata Team Male & Female)
Awards Ceremony
18:00 ~ 19:15
Final (Kumite Team Female)
Awards Ceremony
November 14 (Friday)
09:00 ~ 15:00 Eliminations & Repechage (Kumite Team Male)
15:00 ~ 17:45 Eliminations & Repechage (Kata Individual Male & Female)
Final (Kata Individual Male & Female)
Awards Ceremony
17:45 ~ 19:15
Finals Kumite Team Male
Awards Ceremony
15
November 15 (Saturday)
09:00 ~ 10:20 Eliminations (Kumite Individual Male -60 kg)
10:20 ~ 11:50 Eliminations (Kumite Individual Male -65 kg)
11:50 ~ 12:20 Repechage (Kumite Individual Male -60kg / -65 kg)
12:20 ~ 13:30 Eliminations (Kumite Individual Female -53 kg)
13:30 ~ 14:40 Eliminations (Kumite Individual Female -60 kg)
14:40 ~ 15:10 Repechage (Kumite Individual Female -53 kg / -60 kg)
15:10 ~ 16:25 Eliminations (Kumite Individual Female Open)
16:25 ~ 17:50 Eliminations (Kumite Individual Male Open)
17:50 ~ 18:20 Repechage (Kumite Individual Female & Male Open)
Final (Kumite Individual Male -60 kg / -65kg)
Awards Ceremony
Final (Kumite Individual Female –53 kg / -60 kg)
Awards Ceremony
18:20 ~ 19:50
Final (Kumite Individual Female & Male Open)
Awards Ceremony
November 16 (Sunday)
09:00 ~ 10:30 Eliminations (Kumite Individual Male -70 kg)
10:30 ~ 12:00 Eliminations (Kumite Individual Male -75 kg)
12:00 ~ 13:30 Eliminations (Kumite Individual Male -80 kg)
13:30 ~ 14:15 Repechage (Kumite Individual Male -70kg / -75 kg / -80 kg)
14:15 ~ 15:15 Eliminations (Kumite Individual Female +60 kg)
15:15 ~ 16:30 Eliminations (Kumite Individual Male +80 kg)
16:30 ~ 17:00 Repechage (Kumite Individual Female +60 kg / Male +80 kg)
Final (Kumite Individual Male -70 kg / -75 kg / -80 kg)
Awards Ceremony
Final (Kumite Individual Female +60 kg)
17:00 ~ 18:10
Final (Kumite Individual Male +80 kg)
Awards Ceremony
18:10 ~ Closing Ceremony
Farewell Party (HQ Hotel B1, Rm. “Hiten”)

П.С.

Прецизните јапонци мислеле на сите детали, па дури и на храната за сите репрезентативци и учесници на ова СП која е препорачлива, соодветна, автентична , комплетно во стилот на домаќинот... :-))))

И ФЕРАТ ЌЕ СТИГНЕ НА ВРЕМЕ ВО ТОКИО ...МАКЕДОНИЈА ЌЕ БИДЕ КОМПЛЕТНА!

2008-11-12T12:48:00.009+01:00

Утрово неколку чудни информации го предизвикаа мојот интерес.
Прво два различни списока на репрезентативци пласирани во само 4-5 часа.
Но тоа очигледно е избор на селекторот и важно е македонската карате репрезентација најдобро да се претстави на СП.
Но, другата информација која беше поттикната од акаунтот на Фејсбук на Ферат Курбулиќи, наметна едно друго прашање, зашто додека сите репрезентативци се веќе во Токио, одмараат и се прилагодуваат, тој е сеуште во Софија???

FACEBOOK

Today

Ferat trgna za tokio ostana u sofia pff... 9:52am

Побарав одговор во Федерацијата на неколку прашања, но како да разговарав со „снимена лента„

„Дали Ферат е во Токио?„ ... добив одговор Да...

„А зошто Ферат вели дека е во Софија и не е во Токио, барем во овој момент?„ ...исто така добив одговор дека, тоа не е точно...

...и тука беше завршен разговорот, со конкретните горенаведени одговори, повтрени по неколку пати... :-))) . (телефонскиот разговор беше реализиран во 12.55)

Нешто е чудно, но очигледно некој не сака да даде конкретен одговор.... (дали е вратен, дали нема пасош, дали нема виза, дали, дали, дали... ќе остане неодговорено...барем засега...)

П.С.

...неофицијален одговор за тоа зошто се разликувале списоците, на некој начин добив, бидејќи станува збор за технички избор... на некој начин и нормално... избор на селекторот...

...но, прашањето зошто во 9.52 утрово сеуште Ферат Корбулиќи е во Софија, тоа никој не сака да го одговори... !? ... само може да се претпостави дека веројатно и тоа е техничка грешка... !?...но барем нека се одговори...

И КОНЕЧНО ИНФОРМАЦИЈАТА ЗА ДОЦНЕЊЕТО НА ФЕРАТ КОРБУЛИЌИ Е ПОТВРДЕНА. СТАНУВА ЗБОР ЗА ПРОБЛЕМ СО ПАСОШОТ КОЈ Е ВЕЌЕ РЕШЕН (доволно за да го пропушти летот Софија - Москва, а потоа и Москва -Токио). ФЕРАТ Е ВЕЌЕ НА ПАТ ЗА ТОКИО И СЕ ОЧЕКУВА ДЕКА ЌЕ ПРИСТИГНЕ ПРЕД ЗАПОЧНУВАЊЕ НА БОРБИТЕ. КОЛКУ ТОА ЌЕ ВЛИЈАЕ НА НЕГОВИОТ НАСТАП, ОСТАНУВА ДА СОЧЕКАМЕ... ВО СЕКОЈ СЛУЧАЈ, ДРУГ ИЗБОР НЕМА И ДА СЕ НАДЕВАМЕ ДЕКА ФЕРАТ ЌЕ УСПЕЕ ДА БЛЕСНЕ ОНАКА КАКО ШТО И СЕ ОЧЕКУВА ОД НЕГО... :-))) ...

... А НЕЈАСНО Е СЕУШТЕ ЗАШТО „ДЕВОЈКАТА ОД ФЕДЕРАЦИЈАТА„ (се претставува само како ИВАНА) ДЕНЕС УПОРНО ЈА КРИЕШЕ ОВАА ИНФОРМАЦИЈА И ЈА ПОВТОРУВАШЕ КАКО СНИМЕНА НА ЛЕНТА „ФЕРАТ Е ВО ТОКИО„ „ФЕРАТ Е ВО ТОКИО„ „ФЕРАТ Е ВО ТОКИО„... КОГА ТОА ЛЕСНО МОЖЕ ДА СЕ ПРОВЕРИ СО ЕДЕН КЛИК СО МАУСОТ... НО, ОЧИГЛЕДНО ДЕКА НЕКОЈ ОВДЕ СЕУШТЕ РАЗМИСЛУВА САМО „СО МОЛИВ И ЛАК ЗА НОКТИ„ ... :-))))

ИНСЕРТ ОД ДОК.ФИЛМ ЗА МАКЕДОНСКОТО ЖЕНСКО КАРАТЕ - ХАМБУРГ 2008

2008-10-26T15:53:00.004+01:00

Целиот комплетен видео материјал, наскоро ќе го гледате во новиот циклус на ТОПКИ +, кој ќе се емитува на Канал 5....

СЕПАК КОМПЛЕТНИ ВО ТОКИО?

2008-10-26T14:37:00.002+01:00

Последните информации во контекст на претходниот пост, покажуваат дека сепак Македонија ќе биде во својот најсилен состав во Токио. Тоа значи, поединечно и тимски мажи кати и борби, поединечно и тимски жени, кати и борби. Оваа сеуште неофицијална информација може само да значи дека очекуваната бура, веројатно ќе стивне. Ако биде така, тоа покажува дека конечно и Федерацијата сфати (во координација со репрезентативните тренери и селекторот) дека не може да калкулира со неприкосновениот квалитет и ентузијазам на најдобрите каратисти и каратистки во кати и борби.

КОЈ ЌЕ СЕ БОРИ ЗА МАКЕДОНСКОТО ИМЕ И ЗНАМЕ, ВО ТОКИО?

2008-10-25T21:46:00.006+02:00

Е сега после ова очигледно дека следува „затишје пред бура„. Затишјето ќе биде одмор и исклучиво тренинзи пред последниот удар во Токио, каде Македонија би требала да стигне до голем успех.

Но, веќе започнаа и шпекулациите со кои секојдневно се соочуваат каратистите, посебно оние најдобрите, репрезентативците, потенцијалните кандидати кои би требало да настапат во македонското „кимоно„, за 15-тина дена.

Зашто реков „затишје пред бура„?

Во Токио се очекува прилично убаво време, но БУРАТА веќе се насетува од понеделник, кога се очекуваат и имињата на репрезентативците, после сите контролни турнири.

Меѓу каратистите и македонскиот потенцијал веќе почнаа да се споменуваат имињата на само четворица во борби-мажи и две во борби-жени. Што е со останатите кои напорно работеа целиов овој период и кои успешно ги поминуваа контролните тестови, а да не зборувам за оние кои во европски и светски рамки на различни натпревари, стигнаа до медали.... !?

(Дали сите што заслужија да ги бранат македонските бои во Токио ќе го почувствуваат светското на татами-те или ќе го гледаат од „трибини„ да не речам на телевизија?)

Дали додека две компании и два клуба (КК„Макпетрол„ и КК„Металург„, да не речам компаниите „Макпетрол„ и „Макстил„), издвојуваа пари за нивно усовршување во техничко-кондициона смисла, се беше во ред, а сега кога на ред е Федерацијата да го има последниот чекор (бидејќи станува збор за конкретна Фердацијска обврска) започнува бурата???

Дали Федерацијата има воља, знаење и финансии да води и унапредува вакви исклучителни таленти кои се докажуваат постојано во светски и европски рамки?

А тоа повлекува неколку прашања кои деновиве се очекува да бидат најжестока тема во овој спорт, со кој всушност Македонија би требало да се гордее, а тоа се:

Дали Македонија ќе настапи со својот најдобар состав?

Дали Федерацијата има чувство за да ја оцени моменталната ситуација и да ги прати најдобрите?

Дали ќе имаме тимски настап или само во поединечна конкуренција ?

Дали ќе го браниме златото во женски кати од универзитетско светско првенство во Полска од пред три месеци?

Дали ќе го браниме трето европско од Естонија, но само благодарение на тоа што нашата најдобра каратистка не живее во Македонија????

Ако не се задоволат сите овие прашања со единствениот правилен одговор и решение кое го заслужуваат сите што го сакаат спортот, дури тогаш Бурата може да прерасне во Ураган... За жал, веќе започнаа да дуваат чудни ветрови кои „мирисаат„ на ураган...

МАКЕДОНИЈА ГАЗИ СЕ ПРЕД СЕБЕ!

2008-10-25T21:06:00.005+02:00

Нашите најдобри каратисти продолжија со фантастичните резултати како загревање за Светското Првенство во Токио. На последниот турнир кои е во организација на КК „Металург„ - 27-ми меѓународен меморијален традиционален турнир „Грдановски Никола - Нике„ оние од кои најмногу се очекува во периодот кој следува заслужено меѓу носителите на медали.

(Генерации со кои Македонија наскоро ќе се гордее,ако правилно вложува во нивниот труд,
на сликата, од лево кон десно:
Ване Гонев - државен шампион,
Никола Димитријевиќ - македонската јуниорска надеж, трет на Балканот,
Иво Цветковски - каратист од светска класа, втор во Европа и трет во Свет

Кај јуниорите, скоро очекувано, но во сениорска конкуренција двете повреди на Ферат Курбуличи и Огнен Груевски фрлија сенка на фанастичните победи. Гоце Петров во финалето (против Огнен кој ја заработи повредата) во категоријата-80 освои злато, Богдан Мицов во категоријата -65 исто така освои злато, Жарко Арсовски со злато во „најтешката„ категорија и Сашко Патраклиев во категоријата -70, зема злато.

И во репрезентативен меч, како завршница на турнирот Македонската репрезентација ја победи репрезентацијата на БиХ (светски вицешампион) со 3:2 и 3:1.

Уште една потврда за моќта на македонските каратисти .

СТИПЕНДИИ ЗА НАЈДОБРИТЕ, НО ДАЛИ ЗАПОЧНУВА НОВ „РАЗГОВОР СО ПОВИСОКИ ТОНОВИ„ ?

2008-10-21T18:39:00.007+02:00

Директорот на Агенцијата за млади и спорт, Драган Ѓурчевски, го направи чекорот кој е многу важен во овие мигови за македонскиот спорт. Кога се е паднато на најниски гранки, Македонија може да се пофали со дел од боречките спортови, посебно каратето, во високите европски, а се надевам, наскоро и светски рамки.

Доделените стипендии, за најдобрите каратисти, во изминатиот период, и уште новите 30 едногодишни стипендии кои наскоро ќе бидат објавени, треба да бидат стумул за сите генерации кои допрва ќе доаѓаат.

(...Иво Цветковски и Бошко Заборски)

Иво Цветковски - спортист од светска категорија - карате-за освоено 3-то место во категоријата кумите до 70кг., на 5-то СП за јуниори и кадети, во Истанбул, Република Турција; Мартин Несторовски - спортист од светска категорија - карате-за освоено 3-то место на ЕП во дисциплината борби до 80кг., во Трст-Италија; Стефан Андов - спортист од меѓународна категорија - карате-за освоено 5-то место на ЕП во дисциплината борби до 65кг., во Трст-Италија; Марија Гудеска - спортист од меѓународна категорија - карате-за освоено 5-то место на ЕП во дисциплината кати индивидуално, во Трст-Италија; Ардита Исени - спортист од светска категорија - карате-за освоено 3-то место на ЕП за сениори во дисциплината кумите, во категорија до 60кг., во Талин-Естонија; Покрај нив, еднократен паричен надоместок ќе добијат и нивните тренери: Мирче Јанушевски и Димче Савовски - тренер и селектор на Македонската карате репрезентација, за учество и пласман на македонската карате репрезентација на ЕП, во Трст-Италија; Кирче Патраклиев, Димче Савовски и Златко Димовски - тренер и селектор на Македонската карате репрезентација, за учество и пласман на македонската карате репрезентација на ЕП, во Трст-Италија; Неат Шефкети и Бошко Заборски - тренер и селектор на Македонската карате репрезентација, за учество и пласман на македонската карате репрезентација на ЕП за сениори, во Талин-Естонија.

Ова се нашите надежи за иднината на македонското карате. Сепак, наскоро се очекува дека ќе бидат објавени и имињата на оние млади каратисти, во кои Македонија ќе треба допрва да вложува. Агенција за спорт и млади, го стори она кое од неа се очекуваше. На ред е сега Федерацијата која треба да ги понуди имињата на младите каратисти за кои ова е неприкосновен стимул.
(Хамбург Опен 2008)

Но, како стојат работите, тоа очигледно допрва ќе биде тема на „повисоки тонови„. Дали и оваа Федерација може да го има истиот проблем како и сите останати во нашата држава во кои кога ќе се вмешаат финансиите, почнува војната. Се надевам дека нема, но сепак да почекаме....

ОСНОВА ЗА СИТЕ СПОРТОВИ...

2008-10-16T18:19:00.007+02:00

Од денес ја стартувам и оваа страна која ќе биде посветена на се она што е интересно и атрактивно за еден од најстарите спортови... Од денешен аспект, многу ми е криво што не сум го тренирал овој спорт од мали нозе, ама не верувам дека би се откажал од негово следење, во целосна смисла... философија, движење, начин на живот, спорт, рекреација со максимална посветеност и љубов.

Можеби на моменти чудна релација, но ако секој го прочита овој пост, малку размисли и отвори пред себе тема, (што претставува каратето?) тогаш набргу ќе стигне до единствената насока - ова треба да биде спорт, како база за сите останати.

Хармонија меѓу мислите и движењето, рамнотежа на вољата и силата, координација на умот и телото, спој на интелектот и снагата, здраво тело и ментална хигиена - тоа е каратето.

Ако направите само мала хипотетичка ситуација дека овој спорт е задолжителен на часовите по физичко воспитување, во основното образование, замислете какви спортисти тогаш би се развиле од потенцијалните деца, во фудбалот, кошарката, ракометот, итн...

Спортисти, кои уште од мали нозе ја запознале философијата на максималното концентрирање, координирање на менталниот развој и физичката сила во ултимативните граници на експлозивноста на адреналинот, прецизно и екстремно брзо остварување на целта, носење на одлуки во дел од секундата врз база на доготрајна анализа (која се мери во некогаш една или две минути)... Запознавањето со мудроста на овој спорт, која е корисна во сите елементи од останатите спортови и кои денес важат за најатрактивни и планетарно популарни спортови, би било најголема придобивка за еден спортист.
А се би започнало со само еден час неделно, но од мали нозе, да не речам од прво одделение. Карате.

Со првиот текст, кој се создаде во Хамбург и Истанбул, патувајќи со најдобрите каратисти во Македонија, отварам ново поглавје, кое има една цел: сите кои сеуште ја немаат сфатено суштината на овој спорт, со овој мал удел (кој имам намера да го движам повисоко и пошироко), што побргу да го почувствуваат и да ја променат стереотипната слика која се создала, не по нивна вина...

Теми, муабети, конфликти, разговори, ставови, мислења и секакви други нет презентации ќе бидат содржина...

П.С.

„Ако до вчера мислевте дека овој спорт е груб спорт, а девојките изгледаат како мажи, време е да го промените мислењето... Ова е само дел од македонската карате репрезентација. А да не споменувам, дека и дефинитивно Карате-то може да се пофали (во светски рамки), како спорт со најубави жени...од сите аспекти...„

МАКЕДОНСКИТЕ КАРАТИСТИ ПОДГОТВЕНИ ЗА ОСВОЈУВАЊЕ И НА ТОКИО!

2008-10-16T11:33:00.006+02:00

Западна Европа во Хамбург го запозна македонското "ЏАКО", а Источна Европа и дел од остатокот на светот, во Истанбул беа под постојана пресија на македонското "МАВАШИ". Време е да се покори и татковината на овој спорт, од нашите карате борци.

Македонската Карате Федерација ја заврши викендов втората фаза од подготвителниот филтер пред Светското Првенство, што ќе се одржи на средината од наредниот месец, во Токио, Јапонија – татковината на овој спорт. Во комплетен состав, со потенцијалните каратисти од сите клубови кои настапуваат во македонската Карате Лига, Истанбул Опен 2008 ја потврди очекуваната форма пред најголемиот светски настан во овој спорт.

„Хамбург Опен 08„ беше дефинирање на формата која во Истанбул го зема почетниот чекор кон зенитот кој го очекуваме сите. Токио, во ноември, треба да биде конечната слика од целиот циклус подготовки. Во конкуренција на 150 земји од целата планета, Македонија конечно има нова шанса да покаже дека има врвни спортисти со максимална дисциплина соодветно градена технички и ментално.

Токму тоа беше презентирано на „Истанбул Опен 08„, кој важи за еден од најсилните, веднаш по Париз и Хамбург, и по квалитет и по масовност, а препознатлив по највисокиот паричен награден фонд, кој оваа година 85.000 долари.

11 медали, влеваат дополонителна надеж дека формата ќе кулминира на Светското Првенство во Токио.

1. Жарко Арсовски, сениори, + 80 (Макпетрол), златен медал + 3000 долари

2. Богдан Мисов, -65 (Макпетрол), бронзен медал + 750 долари

3. Бојан Јовановски, кадет - 70 (Металург), златен медал

4. Крсте Мишев, кадет - 70 (Металург), бронзен медал

5. Мартин Петрески, кадет – 70 (Спорт 94Прилеп), бронзен медал

6. Филип Ѓурчиновски, кадет – 63 (Металург), бронзен медал

7. Симона Заборска, кадет - 47 (Макпетрол), бронзен медал

8. Кристина Крстевска, кадет -54 (Макпетрол), бронзен медал

9. Марија Матракоска, кадет, кати (Ронин Прилеп), сребрен медал

10. Ивана Ангелевска, јуниор, кати (Металург), бронзен медал

11. Зорица Спирковска, јуниор, кати (Ронин Прилеп), златен медал

Хамбург ја постави целта, Истанбул ја дефинираше, а Токио треба да биде верификација на макотрпната работа на целиот УО на Карате Федерацијата, како и сите селектори кои континуирано изминатиот период вложуваа сили и знаење во македонската карате надеж.

Останува уште неполн месец за последниот исчекор во овој циклус.

Светското карате, после ваквите успеси, мора да биде запознаено и со македонската сила и издрзливост.

Време е за уште еден нов бренд на светската карате сцена –

"Македонското Маваши".